SuperDizionari

Tu âs cirût la peraule

stato d'animo

bilengâl

stato d'animo

estri s.m.
(es-tri)

Mût di stâ, di movisi, di fâ, aspiet che al da une cierte impression

sinonims

ande, mût, maniere, tîr, arie, ciere

esemplis

"a griule le puarte de nestre barache e, dismots di strabalç, a lampìn jentrâ un omenon cuntun estri forest"

gjavât fûr di "Storie di Min" di Ivano Urli

estri s.m.
(es-tri)

Desideri o umôr improvîs, no spietât, ancje stramp, ma che al dure pôc

sinonims

camofe, çurie, çurion, fumane, gri, jevade di cjâf, mateç, matetât, menade, meneuce, morbin, passion, pice, puntili, sbisiament, schiribiç, smanie, snaric, stoc, talent, tenticul, tic, tîr, uce, voie, volontât, capriç, fantasie, creste, strambarie

esemplis

"Mario, dal moment, al veve sintût l'estri di cjarinâjai [i cjavei]"

gjavât fûr di "Lilie" di Gianni Gregoricchio

estri s.m.
(es-tri)

Azion o moviment improvîs

sinonims

mot, at, moviment

esemplis

"Edo i veve taiadis di brut lis peraulis, cuntun estri de man"

gjavât fûr di "La clape" di Gianni Gregoricchio

estri s.m.
(es-tri)

Ispirazion creative, artistiche, imagjinative e risultât di chê ispirazion

sinonims

creativitât, fantasie, ispirazion, slanç, snait, talent, vene

esemplis

"e cjantâ come la odule nissun / estri, forsi, nissune anime e po / la belece di cheste ore di Autun"

gjavât fûr di "Su la tor" di Enrico Fruch

"ma se l'estri al cjate la vene par rivâ a saltâ fûr, ve che cul lavôr di fin chescj mestris a rivaran a fâi il bec ae moscje"

gjavât fûr di "B123ST" di Raffaele Serafini

estri s.m.
(es-tri)

Predisposizion, abilitât e buine volontât tal fâ alc (fig.)

sinonims

uce, snait

esemplis

"cui che al veve estri al leve a pescje e a cjace, par puartâ a cjase alc di bon di tocjâ cu la polente"

gjavât fûr di "Faliscjis" di Cristina Noacco

torne sù